"Үздік ашық сабақ-2020"

      Ұстаз – ұлт пен ұрпақ үшін қасиетті ұғым. Шәкірттерін білім нәрімен сусындатып, адамгершілік рухта тәлім-тәрбие беріп, жақсы қасиеттерді бойына дарытуда педагогтың еңбегі зор. Ақмола облысы білім басқармасының жанындағы «Көкшетау қаласы, Жоғары техникалық колледж» МКҚК қазақ тілі мен әдебиет пәнінің оқытушысы Арыстанова Арайлым Кенжебаевна «BILIM-ÒRKENIETI» Ұлттық инновациялық ғылыми зерттеу орталығының ұйымдастыруымен Елбасы Н.Ә.Назарбаевтың «Болашаққа бағдар: рухани жаңғыру» атты бағдарламалық мақаласын педагогтер арасында кеңінен насихаттау мақсатында өткен «Үздік ашық сабақ-2020» атты республикалық байқауға қатысып жеңімпаз атанды. Әріптесіміз Арайлым Кенжебаевна білім саласына қосқан айрықша еңбегі үшін «Қазақстанның білім беру саласының үздігі» атты төсбелгісімен, куәлігімен, I-ші дәрежелі дипломмен марапатталып, сабағы аталмыш республикалық байқауының материалдар жинағында жарық көрді.