Волонтер жылының жабылу салтанаты

9 желтоқсанда Еріктілер Жылының жабылу салтанаты және белсенді еріктілер мен волонтерлік ұйымдарды марапаттау рәсімі өтті. Аталмыш іс-шараны ұйымдастырушылары - Ақмола облысының «ЕДЮО «Жас Ұлан» және Көкшетау қаласының Жастар ресурстық орталығы. Іс-шараға Көкшетау қала әкімінің орынбасары Бейсембаев Уақыт Бегайдарұлы қатысып, еріктілердің пандемия кезінде жасаған жұмыстарына тоқталды, сондай-ақ еріктілерге атқарылған тамаша жұмыстары үшін алғыс айтты. Көкшетау қаласы, жоғары техникалық колледжінің жастар ісі жөніндегі комитетінің төрағасы Жолдыбаев Сұлтан қаламыздағы еріктілер қозғалысының дамуына белсенді үлес қосқаны үшін алғыс хатпен және бағалы сыйлықпен марапатталды. Сұлтанды құттықтаймыз! Сізге үлкен жетістіктер мен табыстар тілейміз!