Барлығы махаббаттан басталады...

14.02.2020

Көкшетау қаласы, Жоғары техникалық колледжінде қазақ тілі пәнінің оқытушылары Есентурова Бақыт Саттыбалдықызы мен Сейлбекова Сәулеш Жамхурқызының ұйымдастыруымен колледж студенттері арасында өзін- өзі тану: «Махаббат пен шығармашылық педагогикасы» онкүндігіне арналған «Барлығы махаббаттан басталады» атты мәнерлеп оқу сайысы болып өтті. Мәнерлеп оқу сайысының мақсаты- поэзия арқылы жастардың жүрегінде өмірге, ата – анасына, ең жақын адамдарына жалпы адам атаулыға деген бауырмалдық, сүйіспеншілік, махаббат, достық секілді ізгілік қасиеттерге тәрбиелеу. Сайыс «Туған жерім- тал бесігім», «Әлемнің жарығын сыйлаған Анашым», «Махаббатым жүрегімде», «Өлеңім- өрнегім» деп бірнеше бөлімдерімен аталды.

Мен жазбаймын өлеңді ермек үшін,
Жоқ барды, ертегіні термек үшін.
Көкірегі сезімді, тілі орамды,
Жаздым үлгі жастарға бермек үшін,-деп Абай атамыз жырлағандай, өзі салған өрнекті өлең үлгісімен шығармашылықпен айналысатын студенттер: Ахметқұл Ақбота, Есім Толқын өлең шумақтарын ортаға салды. Сонымен қатар, биылғы жылы Ұлы Абайдың 175 жылдығына орай Абай атамыздың өз елін, туған топырағын, халқын сүйіп, махаббат, қасиетті сезімді білдірген тамаша туындылары да ерекше орындалды. Сайыс қорытындысы бойынша белсене қатысқан студенттер дипломмен, мақтау қағаздарымен марапатталды.