Текст
Бірінші курс студенттерінің қысқы демалыста болуларын пайдаланып, оқытушылар жаңа сандық білім беру ресурстарымен өз білімдерін толықтырды. Қаңтардың 13-де «Инсайт» жас мамандар клубының кезекті сабағы өтті. Арнайы пәндер оқытушысы, оқу-әдістемелік бірлестігінің жетекшісі Н.Оспанова жиналған қауымға электрондық білім беру ресурстардың түрлері мен ерекшеліктері туралы түсіндірсе, жас педагог Д.Майер мультимедиалық презентация жасаудың жаңа түрлері мен тест құрастыру бағдарламаларымен таныстырды. Сабақтың екінші бөлімінде оқытушылар алған білімдерін практикалық түрде іске асыруға тырысты. Жас мамандар клубының сабағына Бозайғыр ауылындағы агротехникалық бөлімнің оқытушылары да қатысты.