"Жұмыс берушілер күні" республикалық іс-шарасы

Бүгін 15 қараша күні Республика деңгейінде Техникалық және кәсіптік, орта білімнен кейінгі білім беру ұйымдарында «Жұмыс беруші күні» өтуде.

Іс-шаралар техникалық және кәсіптік, орта білімнен кейінгі білім беру ұйымдарында кадрларды даярлау сапасын арттыру мақсатында, әлеуметтік серіктестер кәсіпорындарымен одан әрі тиімді өзара іс-қимыл жасау мақсатында ұйымдастырылады.

Жұмыс берушілер күні аясында «Көкшетау қаласы, жоғары техникалық колледжі» ұйымдастыруымен «Тәлімгермен бір күн» ұранымен бірнеше іс-шара өткізілді.

Жоғары техникалық колледжінің сенімді және ұзақ мерзімді әлеуметтік серіктесі «Тыныс» АҚ кәсіпорны негізінде студеннтерге арналған «Тәлімгермен бір күн» іс шарасы жұмыс күні басталысымен, тәлімгерлермен танысудан басталды.

Шара барысында студенттер алдында «Тыныс» АҚ әкімшілік мәселелер жөніндегі басқарушы директор Мусин Қайрат Кенжебекұлы сөз алып студенттерді кәсіпорын тарихымен, өндіріс барысымен таныстырып өтті.

25-тен астам техникалық мамандықтарының студенттері «Тыныс» АҚ-да, зауыттың бес арнайы цехтерінде тәлімгермен бір жұмыс күнін өткізуде.

«Дәнекерлеу ісі (түрлері бойынша)» мамандығының екі студенті, «Механикалық өңдеу, бақылау-өлшеу аспаптары және автоматика» мамандығының төрт студенті, «Машина жасау технологиясы (түрлері бойынша)» мамандығының 10 студенті, «Технологиялық машиналар мен жабдықтарға техникалық қызмет көрсету (түрлері бойынша)» мамандығының 10 студенттері арнайы цехтарда тәлімгердің жетекшілігмен технологиялық үрдістің қыр сырымен танысып дайын өнім өндірісіне өз үлестерін қосты.

Өткізілген іс-шаралар тұрақты негізде өткізілетін болады. Облысымызбен еліміздің Машина жасау саласы үшін жоғары білікті мамандар даярлауда «Тыныс» АҚ кәсіпорнымен одан әрі жемісті ынтымақтастыққа үміттенеміз.