Республикалық іс шара жұмыс берушілер күні

ТжКБ оқу ұйымдарының кәсіпорындармен ынтымақтастық күніне арналған республикалық іс-шара аясында болашақ мамандарды даярлау сапасын арттыру бойынша жұмыс берушілермен одан әрі және тиімді ынтымақтастыққа бағытталған кәсіпорын басшыларына ҚР Білім министрі А. К. Аймағамбетов пен Ақмола облысы білім басқармасының басшысы Б. А. Жүсіповтың атынан алғыс хаттар табыс етілді.

Білім Министрінің алғыс хаттарымен "Тыныс" АҚ Бас директоры – Керейбаев Мұхтар Жұмағазыұлы және "Регион Строй" ЖШС директоры - Дворцевой Александр Александрович марапатталды.

Ақмола облысы білім басқармасы басшысының алғыс хаттарымен ВТК-К келесі әлеуметтік серіктестері атап өтілді: "Көкшетау Жолдары" ЖШС директоры - Касенов Ташмағамбет Загибуллинович, "Сварка KZ" ЖШС директоры - Әбішев Роман Нұрланұлы.

Колледж басшысы А.К. Еслямованың "Тыныс" АҚ Бас директоры М. Ж. Керейбаевпен ашық диалог барысында ВТК құзыреттілік және оқу-өндірістік шеберлік орталықтарында кәсіпорын қызметкерлерін қайта даярлау және біліктілігін арттыру саласындағы ынтымақтастықтың өзекті мәселелері талқыланды, зауыт үшін жиынтықтаушы және дайын өнімді шығару бойынша бірлескен жұмыс мәселелері бойынша уағдаластықтарға қол жеткізілді.