«Инсайт» жас маман клубының сабағы

8 қыркүйекте Көкшетау жоғары техникалық колледжінде «Инсайт» жас маман клубының бірінші сабағы ұймдастырылды. Педагогтік жолын жаңа бастап отырған және колледжге жұмысқа қабылданған мамандардың назарына оқу жылының басында туындайтын өзекті тақырыптар ұсынылды. Сабақ «Танысу» тренингімен басталды.

ОӘБ жөніндегі орынбасары Калиева Г.Ж. оқу жұмыс бағдарламасымен таныстырды, оған қойылатын талаптарды түсіндірді. Жаратылыстану-математика циклының жетекшісі Қыдырмина А.Т. қысқа мерзімдік жоспарды жүргізу ережелерін, оқу нәтижесін, мақсаттарын анықтауды ашып берді. Технология пәндер циклының жетекшісі Стрельцов Н.Н. технологиялық картаны толтыруды түсіндірді. Жас маман клубының жетекшісі Сәбитова Т.Б. тәлімгерлерді бекіту бұйрығымен таныстырды және жас мамандарға корпоративтік мәдениет, педагогикалық этика мәселелеріне көңіл бөлуді ұсынды.

Рефлексия кезінде жас мамандар алған әдістемелік көмек үшін алғыстарын білдірді және болашақта қарастыруға қажет тақырыптар ұсынды.