"Жаңғырудың жаңа белесі-латын әліпбиі"

Қазақстан халқы тілдері мерекесі аясында «Достар» мәдениет сарайында  "Жаңғырудың жаңа белесі-латын әліпбиі" тақырыбында ғылыми-тәжірибелік конференциясы өткізілді. Аталған іс-шара  "Қазақстан Республикасының тілдерді дамыту мен қолданудың 2011-2020 жылдарға арналған мемлекеттік бағдарламасын іске асыру жөніндегі іс-шаралар жоспарын, сонымен қатар, кезең-кезеңмен латын қарпіне көшу жоспарын жүзеге асыру мақсатында  өткізілді. Конференцияға ғалымдар, зиялы қауым өкілдері, қазақ тілі мен әдебиеті мұғалімдері, студенттер қатысты. Біздің оқу мекемесінен, яғни  Жоғары техникалық коллледжден З-ВТ-18-9, МС-18 топтарының студенттері қатысты. «Латынграфикалы қазақ әліпбиінің ерекшеліктері жайында», «Қазақ жазуын латын графикасына көшірудің тарихи маңызы», "Латынграфикалы қазақ әліпбиінің емле ережелері" тақырыптарында баяндама жасалды. Ғалымдар латын әліпбиіне көшудің артықшылығы жөнінде өз ойларын ортаға салды. Сонымен қатар, жаңа әлипбидегі әрбір әріптің фонетика-фонологиялық мазмұны, латын әліпбиіндегі төл дыбыстардың қолданылуы туралы айтылды.

Қазақ тілі мен әдебиеті оқытушысы Таттыбаева А.Б.