«Өркениеттің маңызды міндеті
– адамзаттың ой-өрісін дамыту»
Эдисон
Студенттің бойында бастамашылдық, тиімді ойлау, өз-өзін қалыптастыра білетін оқу-жаттығу қасиеттерін қалай дамытуға болады? Оқу процесінде – «Сұрақтар мен жауаптар жәрмеңкесі» тиімді және қызықты оқыту түрі болып табылады. Көкшетау қаласы, жоғары техникалық колледжінің жаратылыстану-математика циклы жыл сайын білім берудегі ең тиімді және танымды оқу түрлерін пайдаланып, ойын түрінде апталық өткізу дәстүрге айналған.
Жәрмеңкеде студенттерге математика, физика, химия пәндері бойынша сұрақтар мен тапсырмалар арнайы лототронда(студенттердің өз қолдарымен жасалған) ұтыс ойындары ұсынылады. Мұндай жәрмеңке түрі студенттердің математика, физика, химия пәндері бойынша өз білімдерін әртүрлі деңгейде көрсетуге, креативті және сыни ойлай білуге, алған білімдерін саралап, қорытынды шығара блуге үйретеді. Мұнда ең маңыздысы әрбір студент берген жауаптары мен орындаған тапсырмаларына әртүрлі қырынан қарай білуі, ұстанымдары мен тәсілдерін салыстыра білуге мүмкіндік береді. Бұдан бөлек, мұнда позитивті, жағымды атмосфера мұндағы әрбір қатысушының көңіл-күйін көтеріп, әрбірін достық қарым-қатынасқа итермелейді.
Математика пәнінің мұғалімі Бекмагамбетова З.К.