Рөлдік ойыны "Speaking time"

2022 жылғы 2 наурызда көлік саласы пәндерінің ОӘБ пән апталығы аясында арнайы пәндер оқытушысы Н.У.Асылбекованың басшылығымен «Технологиялық жабдықтарды жобалау және пайдалану негіздері» пәні бойынша ТМ-17-2 тобында «Speaking time» рөлдік ойыны өтті.
Рөлдік ойын - ең алдымен, сөйлеу, ойын және жаттығу әрекеті.
«Braun & KO» және «Ильяс және КО» компанияларының негізгі мақсаты – дәнекерлеу, слесарлық жабдықтарын, сондай-ақ автокөлік шанақтарын қалпына келтіруге арналған стапельді жарнамалау арқылы клиенттерді көбірек тарту. 
Бұл сабақ К-ЖТК-ға кәсіптік бағдар беру жұмысы аясында №19 ОМ оқушыларының келуімен тұспа-тұс келді.   
Сарапшылар – бөлім меңгерушісі А.И.Нурумов және арнайы пәндер оқытушылары Д.А.Әшімов, А.А.Габдуллин, сондай-ақ №19 ОМ оқушылары соңғы минутқа дейін клиенттерді сапалы жөндеу туралы сендіруге тырысқан «Braun & KO» компаниясына өз дауыстарын берді.
Рөлдік ойын сценарийі біршама алыстағы оқиғаларды іс жүзінде жақындатады. Белгілі бір сахналық рөлді ойнау, оны сәйкестендіру оқушыға көп көмегін береді: 
1. Маңызды жағдайларда басқа адамдармен жеке және кәсіби қарым-қатынаста эмоционалды тәжірибе жинауда;
2. Өз іс-әрекеттерін талдау негізінде өзінің мінез-құлқы мен оның салдары арасындағы байланысты орнатуда;
3. Ұқсас жағдайларда жаңа мінез-құлық үлгілерімен тәуекелге баруға батыл қадам жасауда.
Осылайша, рөлдік ойын оқытуды шынайы кәсіби өмірге айналдырады.