Жақсы көңіл-күй жан азығы

 Бірінші курс студенттерінің студенттік өмірге тез бейімделуі олардың өмір сүру үрдісіндегі жаңа кезең болып саналады.  Колледжге қабылдануымен қатар бұрынғы қалыптасқан стеоротип бұзылып, жаңа түрі қалыптасады. Бірінші курс студенттері үшін жаңа оқу үрдісі мен тәртібін қабылдау оңайға соқпайды. Олар  үшін жаңа ортаға еніп, бейімделуі  өзіндік мазасыздық алып келетіндіктен, оларға психологиялық жағымды ахуал орнату маңызды болып табылады. 

Осы мақсатта Көкшетау қаласы, Жоғары техникалық колледжінің А-21, УА-21-1 топтарының студенттері арасында «Мен  - Лидер» атты тренинг өткізілді. Тренингтің мақсаты: студенттердің бір-бірімен өзара ынтымақтастықтарын арттыру, жаңа ортаға тиімді бейімделу, көшбасшылық қабілеттерін ашу болып табылады. Тренинг барысында балалар ой-пікірлерін ашық ортаға салып, белсене қатысты.

Педагог-психолог Балтабекқызы М.