Біліммен бөлісу

Мұғалім өмірінде қанша сабақ берді екен? Күн сайын аудиторияға студенттер алдына барамыз... "Сәлеметсіздер ме, отырыңыздар..."  Иә, сабақ – студенттерге құпиялар сырын ашатын әлем  болса, таңғажайып әлем мен студент арасындағы байланысты орнататын – мұғалім.

 Мұғалім – өмір бойы білімін жетілдіретін адам. Сондықтан көптеген жағымды естеліктер қалдырған өзімнің әдістемелік әзірлемелер мұрағатымен бөлісуді ұйғардым, «Заманауи сабақ: жаңа әдістер мен инновациялар» V Республикалық педагогикалық  байқауына қатыстым.

      Әр ұстаздың өзіндік сабақ беру әдістемесі бар, олардың әрқайсысы назар аударып, оқып үйренуге лайықты. Сабақ – бұл қысқа ғана уақыт кезеңі, сондықтан зерттелетін тақырып пен нақты жағдай үшін қажетті оңтайлы технологияларды таңдау және қолдану өте маңызды!

Оқыту үрдісінде  студенттердің білім, білік, дағдыларын есепке алған жөн, олар шебер мұғалімге бағыт-бағдар береді, сондықтан ұстаз креативті продюсер сияқты осы сәтте, осы білім беру кеңістігінде ең тиімді тәсілдерді, әдістерді, формаларды таңдап алады. 

Арнайы пәндер оқытушысы Мухаметжанова С.М