Әдістемелік кеңес

2022 жылдың 21 қаңтарында Көкшетау қаласының жоғары техникалық колледжінде әдістемелік кеңес өтті.

К-ЖТК басшысы Еслямова Ақнұр Қабиденқызы ИПҚ 2022 жылғы 24 қаңтарда басталатын оқыту кестесімен таныстырып, білім беру әдістемелік контенттерін жаңарту бойынша жаңа міндеттер қойды.

ТжКБ ұйымдарының академиялық дербестігін ескере отырып, жұмыс оқу жоспарлары мен бағдарламаларын әзірлеу жөніндегі әдістемелік ұсынымдармен танысу мәселесі бойынша спикер болып басшының ОӘБ жөніндегі орынбасары Г.Ж.Қалиева сөз сөйледі. Гүлмира Жақсылыққызы кәсіптік стандарттар мен білім беру бағдарламаларының оқу жұмыс жоспарлары мен бағдарламаларын әзірлеу кезінде өзара байланысы, ұйымның академиялық дербестігі шеңберінде оқу мерзімі мен траекториясын анықтау туралы ақпарат берді.

Басшының ӨОЖ жөніндегі орынбасары В.В.Гапеев және арнайы пәндер оқытушысы З.Ж.Аяпбергенов «Еlectude» бұлтты технологиялар базасында автомобиль саласы мамандарын электрондық оқыту үлгісінде оқытудың инновациялық жүйелерін ұжымға ұсынды.

Келесі спикер болып арнайы пәндер оқытушысы Д.А.Аширов 07161300 «Автомобиль көлігіне техникалық қызмет көрсету, жөндеу және пайдалану» мамандығына арналған «Автомобиль құрылысы» пәні бойынша әдістемелік құрал әзірлеу алгоритмі туралы сөз сөйледі.

IT бағытының арнайы пәндер оқытушысы Г.А.Моргунов ұжымға ТжКБ ұйымдарында ашық оқытуды ұсынды және оқушылардың өзін-өзі оқытуы мен өзін-өзі бақылауы үшін оның артықшылықтарына тоқталды.

Арнайы пәндер оқытушысы Н.У. Асылбекова ҚР Еңбек және халықты әлеуметтік қорғау министрлігінің серіктесі бола отырып, «Еңбек» платформасында білім алушыларды даярлаудың/ қайта даярлаудың онлайн курстарын құру мүмкіндіктерін көрсетті.