Қазақстан және Қытай колледждері жасанды интеллект саласындағы ынтымақтастықты нығайтады.

“Қазақстанның кәсіби колледждері атынан мен кәсіби білім беру саласында жасанды интеллект бойынша Қытай–Қазақстан альянсын құру туралы бастама көтеремін. Аталған альянс Қытай мен Қазақстан арасындағы жасанды интеллект саласындағы кәсіби білім беру бағытында өзара тәжірибе алмасу мен ынтымақтастықты тереңдетуге арналған тиімді платформа болмақ.”, кездесу барысында бұл бастаманы колледж басшысы Акнур Еслямова атап өтті.

Қазақстандық және қытайлық колледждер жасанды интеллекті саласында Қазақстан–Қытай білім альянсын құру жөніндегі ниет туралы құжатқа, сондай-ақ ТжКБ саласында әріптестік меморандумдарға қол қойды. Негізгі бағыттар: «ЖИ кәсіби қызметте» модулін енгізу, AI-лабораториялар мен инновациялық шеберханаларды құру, қос дипломдық бағдарламалар мен халықаралық стажировкаларды іске қосу, оқу үрдістерін автоматтандыруға арналған цифрлық платформалар мен AI-ассистенттерді әзірлеу.

Арнайы назар «FiberHome Telecommunication Technologies Co., Ltd.» компаниясымен серіктестікке аударылды — телекоммуникациялар мен цифрлық шешімдер саласында әлемдік көшбасшы. Ынтымақтастық Қазақстанның ТжКБ жүйесіне алдыңғы қатарлы ЖИ, байланыс және цифрлық инфрақұрылым технологияларын енгізуге мүмкіндік береді. Қазақстандағы бір колледжде AI-лабораториясын құру жөніндегі пилоттық жоба іске қосылуы және оны басқа колледждерде кеңейту жоспарлануда.