Халықаралық ғылыми-практикалық конференция "Экология және табиғатты пайдаланудың өзекті мәселелері»

17.03.2021 жылы Ақмола облысы білім басқармасы жанындағы Щучинск қаласының Орман шаруашылығы, экология және туризм жоғары колледжінің ұйымдастыруымен "Экология және табиғатты пайдаланудың өзекті мәселелері" атты Халықаралық ғылыми-тәжірибелік конференция өтті. Конференцияның мақсаты: экологиялық сипаттағы өзекті мәселелердің тұжырымдамасын анықтау, жүйелеу, түсіндіру және жалпылау; қоғамның назарын жергілікті және жаһандық ауқымдағы экологиялық проблемаларға аудару; педагогтардың білім беру әлеуетін, олардың экология мәселелеріндегі құзыреттілігін қалыптастыру. Көкшетау қаласының ЖТК оқытушылары конференцияға қатысып, баяндамаларымен сөз сөйледі. "Табиғатты пайдалану мен қорғаудың экологиялық проблемалары" - тарих пәнінің оқытушысы Аяжан Шотпаевна Бектенова; "Автокөлік және қоршаған орта: Қазақстандағы проблемалар мен оларды шешу жолдары" - арнайы пәндер оқытушысы Қымбат Уәлихановна Курманова; "Қоршаған ортаны қорғау саласындағы халықаралық-құқықтық аспектілер" - тарих пәнінің оқытушысы Азамат Төлеубекұлы Рахимжанов баяндама жасады.