Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Қоғамдық талқылау
Текст
АҚМОЛА ОБЛЫСЫ БІЛІМ БАСҚАРМАСЫНЫҢ ЖАНЫНДАҒЫ "КӨКШЕТАУ ҚАЛАСЫ, ЖОҒАРЫ ТЕХНИКАЛЫҚ КОЛЛЕДЖ" МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРНЫ
ГОСУДАРСТВЕННОЕ КОММУНАЛЬНОЕ КАЗЕННОЕ ПРЕДПРИЯТИЕ "ВЫСШИЙ ТЕХНИЧЕСКИЙ КОЛЛЕДЖ, ГОРОД КОКШЕТАУ" ПРИ УПРАВЛЕНИИ ОБРАЗОВАНИЯ АКМОЛИНСКОЙ ОБЛАСТИ
Колледждің 2025 жыл Жұмысшы мамандықтары жылына арналған жұмыс жоспары: даму және жетістікке қадам.
12.01.2025
Колледждің 2025 жыл Жұмысшы мамандықтары жылына арналған жұмыс жоспары: даму және жетістікке қадам.
2025 жыл – білім беру сапасын жетілдіру, халықаралық ынтымақтастықты нығайту және технологиялық жаңашылдықтарды енгізу жолындағы маңызды кезең. Жоғары техникалық колледж ұжымы жаңа жылда стратегиялық жоспарлар мен мақсаттарға қол жеткізуге бағытталған жүйелі жұмыстарды жалғастыруда.
Білім беру сапасын арттыру
Басты басымдықтардың бірі – білім беру бағдарламаларын жаңарту және жетілдіру.
Бұл үшін:
• Салалық стандарттарға сай мазмұнды жаңарту: еңбек нарығының қажеттіліктерін ескере отырып, жаңа пәндер енгізіледі және қолданбалы дағдыларды дамытуға басымдық беріледі.
• Оқытушылардың кәсіби деңгейін арттыру: семинарлар, тренингтер мен коучинг сессиялары ұйымдастырылып, озық халықаралық тәжірибелермен танысуға мүмкіндік беріледі.
• Оқушылардың жеке өсуін қолдау: оқытуда сараланған тәсілдер мен креативті әдістер қолданылып, оқушылардың шығармашылық қабілеттерін дамытуға жағдай жасалады.
Халықаралық ынтымақтастықты дамыту
2022 жылдан басталған Ресей Федерациясының машина жасау саласындағы ірі кәсіпорны «Камаз» акционерлік қоғамымен ынтымақтастық жалғасуда. Келісім шарттарына сәйкес жыл сайынғы студенттердің кәсіптік тағылымдама бойынша 50 студент кәсіптік тәжірибиеден өтуде.
Электромобильдер мен гибридті автомобильдерге диагностика жасау тренинг орталығының ашылуы. 2024 жылы Корея мемлекетінің білім беру фондымен бірлескен халықаралық ынтымақтастық аясында жаңа деңгейдегі тренинг орталығы ашылды. «Электромобильдер мен гибридті автомобильдерге диагностика жасау тренинг орталығы» – бұл заманауи талаптарға сай болашақ мамандарды дайындауға арналған инновациялық бастама.
Жоба мақсаты
Орталықтың басты мақсаты – электромобильдер мен гибридті көліктер саласында жоғары білікті мамандарды дайындау. Бұл мақсатқа жету үшін орталық халықаралық білім беру бағдарламаларын қолданады және Кореяның жетекші технологиялық тәжірибесін енгізеді.
Күтілетін нәтижелер
Қазақстандық және халықаралық еңбек нарығында сұранысқа ие мамандарды дайындау.
Электромобильдер мен гибридті көліктерге қызмет көрсету сапасын арттыру.
Қазақстанның көлік индустриясын цифрландыруға және жасыл экономикаға көшуіне үлес қосу.
Колледж 2025 жылы бірнеше елдермен серіктестік келісімдер жасасуды жоспарлауда.
Бұл келесідей бағыттарда жүзеге асырылады:
Сингапур мемелкетімен:
• Студенттер алмасу бағдарламалары: шетелдік серіктес оқу орындарымен келісімдер жасалып, студенттердің халықаралық тәжірибе алмасуына жағдай жасалады.
• Ғылыми-зерттеу және инновациялық жобалар: жаңа технологияларды қолдану бойынша бірлескен жобалар жүзеге асырылмақ.
• Оқытушылар мен қызметкерлер үшін тағылымдамалар: шетелдік ұйымдарда тәжірибе алмасу арқылы кәсіби деңгейін жоғарылату.
• Ақылды өндіріс технологиясын енгізу (Industrie 4.0).
Цифрлық трансформация және инновациялар
2025 жылдың қазан айында колледжде цифрлық трансформацияны жеделдетуге бағытталған InnoTechnoHub сандық технологиялар технопаркі ашылу жоспарлануда.
• Сандық құралдарды енгізу: оқу үдерісіне цифрлық платформаларды толық интеграциялау.
• STEM және IT бағдарламаларын дамыту: робототехника, бағдарламалау және инженерия бағыттарындағы оқыту бағдарламаларын кеңейту.
• Цифрлық дағдыларды үйрету: студенттер мен оқытушылар үшін арнайы курстар ұйымдастыру.
2025 жыл колледж үшін білім беру сапасын арттыру, халықаралық беделді нығайту және технологиялық жетістіктерді қолдану арқылы жаңа жетістіктерге жету жылы болмақ. Бұл жоспарлар ұжымның бірлескен күші мен ынтымақтастығының арқасында жүзеге асырылатынына сеніміміз мол.
«Көкшетау қаласы, Жоғары техникалық колледжі» болашағына нық қадам басып, үздіксіз даму жолын жалғастыра береді!
Просмотров: 1974