22.11.2024

WorldSkills Kazakhstan-2024 IX республикалық кәсіби шеберлік чемпионатына еліміздің барлық өңірлерінен 565 колледж студенті қатысты. Жарысқа қатысушылар 30 құзыреттілік бойынша өз біліктіліктерін көрсетті, оның ішінде құрылыс, креативті дизайн, информатика, көлік қызметтері, сондай-ақ өндірістік және инженерлік технологиялар. Республикалық турнирдің жеңімпаздары келесі жылы Данияда өтетін EuroSkills 2025 халықаралық чемпионатында Қазақстанның атынан қатысады. Айта кетейік, WorldSkills стандарттары Қазақстанның техникалық және кәсіптік білім берудің оқу бағдарламаларына интеграцияланған және халықаралық деңгейде бәсекеге қабілетті мамандарды даярлауда маңызды рөл атқарады.