Кураторлардың әдістемелік бірлестігінің отырысы

2021 жылдың 29 қаңтарында Көкшетау қаласының Жоғары техникалық колледжінде оқу топтары кураторларының әдістемелік бірлестігінің отырысы өтті. Отырыста 2020-2021 оқу жылының екінші семестріне кураторлардың тәрбие жұмысын жоспарлау ерекшеліктері, Тәуелсіздіктің 30 жылдығын мерекелеу бойынша іс-шараларды ұйымдастыру және өткізу туралы мәселелер қаралды. Сондай – ақ, коронавирустық инфекцияның таралуы кезінде барлық алдын-алу шараларын сақтай отырып, оқу-тәрбие процесін жүргізу бойынша ұсыныстар берілді. Сондай-ақ, отырыста куратордың қызметі әр студентке жеке көзқарасты қолдана отырып, мақсатты түрде жүзеге асырылған жағдайда ғана  нәтижелі болатыны атап өтілді. Білім алушыларға кәсіби құзыреттілік пен адамгершілік үлгісін беріп, жағымды қасиеттердің максималды жиынтығы бар адамның нақты үлгісін көрсетуі керек. Кеңес барысында топ кураторлары сұрақтар қойып, ұсыныстар енгізіп, талқыланған мәселелер бойынша белсенді пікірталас жүргізілді. Барлық ұсыныстар назарға алынды.

Басшының ОТЖ жөніндегі орынбасары К. М. Алиева