EXPO-2017 – елдің елеулі көрмесі
EXPO-2017 халықаралық мамандандырылған көрмесін Астанада өткізу -Қазақстанның негізгі ірі жобаларының
бірі. Бұл ТМД елдерінде өтетін алғашқы көрме. Астанадағы бүкіләлемдік көрме 3 айға жалғасады.
Біздің Астана ұсынған көрменің тақырыбы «Болашақтың энергиясы» деп аталады, ол баламалы энергия көздеріне және «жасыл» технологияға арналған. Оған әлемнің 100-ге жуық елі және 10 халықаралық ұйымдары қатысуда.
Осыған орай 2017 жылғы 16 маусым күні Көкшетау қаласы, Жоғары колледждің топ жетекшілері Асемгүл
Ермекқызы мен Арайлым Кенжебайқызының жетекшілігімен ТС-15, ПСК-15, ВТ-15, ТСП-14 топтарының студенттері аталған EXPO көрмесіне қатысты.
Студенттердің назарына EXPO көрмесінде әлемнің түкпір-түкпірінен келген түрлі халықтардың өндірістік қуаты ұсынылды және олар елдердің ғылыми жетістіктерімен, мәдениеттерімен, қолөнерлерімен танысты. Көрменің аумағында күн сайын концерттер, шоу, ұлттық күндер және өзге де ойын-сауық іс-шаралары өтуде.
Көкшетау қаласы, Жоғары колледждің басшысы Есләмова Ақнұр Қабиденқызы студенттерге Астана қаласында өтіп жатқан EXPO-2017 көрмесіне қатысу мүмкіндігін ұсынды. Соның нәтижесінде студенттер көрмеден кейін үйлеріне көтеріңкі көңіл-күймен оралды.