Көкшетау қаласы, жоғары техникалық колледждің валеология оқытушылары Е.Е. Бобкова, Мадина Балтабекқызы, К.К. Кайратов, жастар ісі жөнінде комитетімен бірлесіп ЖИТС-тің алдын алу және күресу бойынша Ақмола облыстық орталықтың мамандарымен ЖИТС-тен көз жұмғандарды еске алу күнінің қарсаңында 1-ші курс студенттері арасында «АИВ/ЖИТС тоқтату» науқаны өтті. Аталмыш іс-шараның мақсаты студенттерді ақпараттандыру және дерттің алдын алу болып табылады. «Біз ЖИТС-ке қарсымыз» викторинасы өткізіліп, дұрыс жауап берген студенттерге сыйлықтар табысталды. Сондай-ақ «ЖИТС орталығының» мамандары көптеген студенттерді жедел тестілеу арқылы қан тапсырып, өзінің АИВ статусын білу мүмкіндігіне ие болды. Әр жыл сайын мамыр айының үшінші жексенбісі бүкіл дүние жүзінде ЖИТС-тен көз жұмғандарды еске алу күні деп белгіленді. Алайда, 2000-2017 жылдары жаңадан АИВ-инфекциясын жұқтырған адамдардың саны азайып, ЖИТС-тен көз жұмғандардың саны төмендегенмен бұл дерт ең қауіпті дерт болып қала береді.