Оқу процессінде студенттердің бір-бірімен достық қарым-қатынасы ең маңызды болып табылады. Өйткені, жаңа ортада өз орнын белгілеу, өзгелермен сыйластық қарым-қатынас орната білу, айналадағылардың сенімінен шыға білу бірінші курс студенттері үшін аздап қиындық туғызатыны белгілі. Бүгін бірінші курс студенттері арасында «Достық пен бірлестік» тақырыбында тренинг өткізілді. Шараны ұйымдастырудағы басты мақсат – студенттер арасында жағымды қарым-қатынас орнату, бір-бірін сыйлауға, адал дос болуға және қоршаған ортамен достық байланыс орнатуға үйрету.Аталмыш тренинг студенттер арасында достық сезімдерін дамытуға ықпал етіп, жастарды әдептілікке, шыншылдыққа, адалдыққа тәрбиелейді. Тренинг соңында оқушылар өздерінің тренингтен алған әсерлерімен бөлісіп, бір-бірлеріне жылы лебіздерін білдірді.