Ағымды жылдың 23 сәуір күні Ақмола облысының орта білім беру ұйымдары директорларының форумының қатысушыларына Көкшетау қаласы, жоғары техникалық колледж бойынша саяхат ұйымдастырылды. Кездесу барысында мектеп директорларына колледждің материалдық-техникалық базасы, атап айтсақ оқу-өндірістік шеберханалар, зертханалар, студенттік жатақхана, сандық және бағдарламалық басқарумен оқу-өндірістік орталық, жас бағдарламашыларды даярлау бойынша IT – орталығы көрсетілді. Колледж оқытушылары цифрлық білім беру ресурстары қолдана отырып, студенттерді оқытудың инновациялық әдістерін ұсынды. Облыстық мектеп директорларына колледждің материалдық базасы мен педагогикалық қызметкерлердің құрамы жақсы жағынан әсер етіп, біздің оқу орнымызда заманауи және танымал техникалық мамандықтарға даярлайтынын атап өтті.